कोरोना संक्रमणबाट थप आठ जनाको मृत्यु ,मृतकको संख्या ९१ पुग्यो

कोरोना संक्रमणबाट थप आठ जनाको मृत्यु ,मृतकको संख्या ९१ पुग्यो

काठमाडौँ, २८ साउन

नेपालमा कोरोना सङ्क्रमणबाट थप आठ जनाको मृत्यु भएको छ । स्वास्थ्य तथा जनसङ्ख्या मन्त्रालयले आज गरेको नियमित पत्रकार सम्मेलनमा मन्त्रालयका प्रवक्ता डा जागेश्वर गौतमले थप आठ जनाको कोरोना सङ्क्रमणबाट मृत्यु भएको जानकारी दिए ।

मृत्यु हुनेमा काठमाडौंका १, धादिङका १, धनुषाका २, सप्तरीका १, मोरङका १, कपिलवस्तुका १ र बाराका १ जना रहेका छन् । यससँगै नेपालमा कोरोना भाइरसका कारण मृत्यु हुनेको सङ्ख्या ९१ पुगेको छ ।

बुधवार थप ४८४ जनामा कोरोना संक्रमण पुष्टि भएको छ । यो सँगै सङ्क्रमितको सङ्ख्या २४ हजार ४३२ पुगेको छ ।

त्यस्तै पछिल्लो २४ घण्टामा ६४ जनाले कोरोना जितेका छन् । योसँगै हालसम्म कोरोनामुक्त भई डिस्चार्ज हुनेको कूल सङ्ख्या १६ हजार ७ सय २८ पुगेको छ ।

त्यस्तै पछिल्लो २४ घण्टामा पीसीआर विधिबाट १० हजार ४ सय ८१ जनाको परीक्षण भएको छ । क्वारिन्टिनमा रहेका व्यक्तिहरुको सङ्ख्या ११ हजार ५८  रहेको छ । कोरोना सक्रिय संक्रमितको संख्या ७ हजार ६१३ छ। पाँच सयभन्दा बढी सङ्क्रमित हुने जिल्लामा पर्सा, रौतहट, महोत्तरी र काठमाडौँ रहेका छन् ।हालसम्म ४ लाख ७२ हजार बढीको पिसिआर परीक्षण भएको छ।

Leave a Reply